工黨立法會議員張超雄表示,今早探望殺妻案事主81歲的黃國萬,黃伯感激家人和市民的關心,並稱認為本港需要有安樂死。
黃伯表示,「我覺得香港要有安樂死,咁樣社會就唔使嘥咁多資源,窮人唔使咁慘,我哋唔會有錢請工人,唔會有錢去請三更看護。」
他明白社會不太接受安樂死,但認為只有生活有經驗、受過折磨的人,才會明白他提出的原因,「明白螻蟻尚且偷生,但病起上嚟係冇選擇。香港嘅老人服務唔係冇得做,但要係中上階層、有錢人先會用得起,我哋呢啲低下草根階層做唔到」。
他希望,社會要有更多同路人,同心合力改變社會和制度,幫助窮人,並表示自己故事已在法庭公開,希望事情告一段落,強調想平靜地過日子,不希望記者在屋外附近守候。