想喺未來一年喺工作上「命運自主」？你可以從改變壞習慣開始。解決問題嘅第一步，就係承認同正視呢個問題，以下5個壞習慣，你又中咗幾多個？
1. 經常遲到
早前有報道指，有蘇格蘭男子患上「長期遲到症」，自小無法準時。有不少打工仔返工慣性遲到，雖然未必有老細「乍型」，但新一年應改掉惡習，限制自己的出門時間，準時回到辦公室，也許會帶來新機遇。
2. 懶做運動
有專家建議市民，每星期要做3至4次半小時至1小時的帶氧運動，但香港打工仔疲於奔命，每天下班後，累得只想坐在梳化上「煲劇」，缺乏運動。運動是保持健康的必要一環，來年不妨相約伴侶、朋友定時做運動。
3. 機不離手
打工仔有時工作到累，一定會想開Facebook/ Instagram「唞唞氣」，同世界接觸。但有打工仔返工時，習慣瀏覽社交網站，出現「玩多過做」，就要改一改，以工作先行。
4. 失憶善忘
有打工仔不定期患上「失憶症」，讓老闆、同事將同一件事「不斷回帶」，惹來麻煩及負面印象。想由「失憶仔」變成「醒目仔」，可以將事情記下Memo或筆記，洗掉「失憶」形象。
5. 不吃早餐
為求趕時間，有打工仔習慣不吃早餐，午飯晚餐亦食無定時，甚至「掃街」吃油炸及無益食物，為健康帶來負擔。所謂「You are what you eat」，吃早餐能供應血糖給腦部和肌肉，令精神集中，直接提高工作效率。打工仔忙之餘，亦要維持良好飲食習慣，不妨以此為來年目標。
