時事脈搏 | 2022-08-24 11:05

岑智明:電腦預報颱風一齊錯情況比比皆是

本周初有傳「馬鞍」會直撲香港，甚至有機會掛10號風球，前天文台台長岑智明早前發文反駁，指「發夢都冇咁早，唔好跟車太貼」，希望大家唔好咁早下判斷。

岑智明今早再在Facebook發文，指當「馬鞍」登陸呂宋後，各大電腦模式和氣象中心都把預報路徑西調，今早天文台預報「馬鞍」登陸位置在陽江附近，70%「可能路徑範圍」亦都移至香港以西，表示「馬鞍」打正香港的機會已經低於30%。

他指出，今次多個電腦模式都曾經預測過「馬鞍」繞過呂宋東岸而唔係呂宋登陸，之後「直撲」香港，於是大家就信以為真，甚或覺得電腦模式神乎其技，其實以往也真係有過風暴繞過呂宋類似情況，不過應該係發生係背景引導氣流很弱的時候，今次不一樣。

他又奉勸各位氣象迷一句，數個電腦模式都給出類似的預測並唔代表準確性會高，電腦預報一齊錯的情況過往亦比比皆是，強調「consistent唔等於correct，可以係 consistently wrong」。