10屋苑周末日預約睇樓續創一年低

中原地產10大屋苑周末及周日錄得325個預約睇樓，按周再跌0.9%，續創1年新低。

中原地產亞太區副主席兼住宅部總裁陳永傑表示，第五波疫情仍未有起色，市民繼續減少出門及接觸，加上社交距離措施收緊，實體睇樓活動驟減屬正常現象。事實上，置業需求不減，疫情下不少買家轉用線上形式覓盤及睇樓，亦可透過網上問盤、議價等，故線上睇樓活動、談判仍然繼續。近期樓價回調，減價盤亦不乏承接，相信只要疫情緩和，實體睇樓活動及交投將隨即反彈。

美聯物業分行統計，周末和周日15個指標屋苑錄約303個預約睇樓，按周進一步減少約3.8%。

美聯物業住宅部行政總裁(港澳)布少明表示，考慮到抗疫措施等因素，近日不少市民均減少外出，對不同各行業帶來不同程度影響，而個別準買家亦延後睇樓安排，或改以線上形式搵樓和睇樓，故令各區二手物業的周末日睇樓量在低位反覆。

不過布少明稱，由於普遍業主叫價態度相對偏軟，不少議幅達3%至5%，減價盤上升，吸引部分準買家睇準機會，積極還價入市，於疫市成功購得心儀物業，個別屋苑交投量較上月同期更錄得升幅。他相信短期內睇樓量仍受疫情影響，樓價亦見受壓，惟疫情逐步受控，屆時凝聚的購買力將會釋放，帶動交投。

根據利嘉閣地產研究部數據估算，全港50個指標屋苑共錄945個客戶於周末日預約睇樓，按周再跌1.6%。預計市場會慢慢適應及消化，當疫情轉穩時，二手實體睇樓量及成交將會反彈。

利嘉閣地產研究部主管陳海潮表示，本地疫情仍未降溫，窒礙不少二手睇樓及買賣活動，市場氣氛傾向觀望，但由於個別業主願意擴大減幅，吸引部分較積極的用家出手執平貨，故周末屋苑預約睇樓量未有再進一步急挫。