夠薑隻揪！

國際米蘭教練干地真係乜都夠膽死，之前向舊老細、祖記班主安尼利舉中指，禮拜四操練嗰陣竟然同拿達路馬天尼斯隻揪！一個51歲嘅大叔單挑23歲嘅射手？咪相當於王祖藍同Error嘅「193」郭嘉駿打？呢場拳賽嘅背景係上場波對羅馬，拿達路馬天尼斯不滿後備上陣35分鐘後被換走，離場時一腳踢飛水樽，球星出身嘅干地當場破口大罵：「你嬲邊個啊？唔好畀我見到有下次！同我尊重啲啊！」如果唔係鏡頭對住，分分鐘大打出手咁滯。既然雙方都一肚火，國米隊友禮拜四就安排場臨時拳賽，一於男子漢用拳頭解決。中鋒盧卡古擔任主持人介紹拳王入場：「歡迎各位嚟到麥迪遜廣場，左手邊呢位係干地……」全場笑到碌地，雙方扮揮拳幾下，最後擁抱大和 ...

（節錄）全文共815字