阿古路耍冧

英超榜首球隊曼城周六主場1比2不敵車仔，射手阿古路上半場補時射十二碼玩嘢，整個「唧」射畀艾度亞文迪單手接住，錯過半場領先兩球嘅機會，結果下半場連失兩球落敗，未能提前3輪封王。阿古路賽後喺Twitter耍冧，話對唔住隊友、球迷同球會。呢場波雙方都出半力，正選同上周中歐聯好大出入，曼城保留艾達臣摩拉斯同魯賓戴亞斯，爭緊前四嘅車仔收起美臣蒙特、佐真奴費路、堤亞高施華等人。車仔贏波合情合理，曼城亦知道封王係遲早問題，所以阿古路道歉有啲唔夾個氣氛。「唧」射十二碼宴客領隊哥迪奧拿喺場面表露失望神情，但賽後講嘢就正路得多：「聽清楚！佢自私係因為射唔入，如果唧入咗呢，佢就變咗天才。我成日都同球員講，相信 ...

（節錄）全文共787字