港股直擊 | 2021-03-26 11:23

【輪證贏家】我老細揀咗中移

噚日睇中咗隻平保(02318)，喺大約1點45分至2點5分，平保五分鐘圖上見SlowSTC(14,3)落到超賣水平，(66163)當時高低位做緊$0.046/$0.045，平均買入價為$0.0455。不過，跟住平保走勢就變得橫行，就連條SlowSTC(14,3)都只能喺 中軸水平上落，(66163)焗住過夜。

噚晚老細whatsapp我，呢啲鐘數搵我更係有筍嘢益我啦，一開就見到條同中國移動(00941)有關嘅新聞，沉思咗一陣：到底係想話我知條新聞仲未有VOD，定係同我開心share中移？以我認識咗八年嘅佢，我估後者；Bingo！不過條新聞確係無咗條VOD ，唯有同video editor個大佬求救。再望望中移日線圖，喂，老細，真知我心意，就係最鍾意呢啲殘殘舊舊嘅SlowSTC(14,3)圖。

今朝起身見日經升成300幾、400點，心諗住(66163)應該都真係平安嘅；但臨出門口返工時見到日經升幅縮到得返2XX點，到喺巴士時恒指做完U盤，開市報28043點，平保見升，不過都係索性開市之後放走隻(66163)就算，免得夜長夢長，所以今朝都有同聊天室嘅戰友講定。以今朝早開市首15分鐘將(66163)沽走的話，以當時高低位做過$0.044/$0.047，平均沽貨價為$0.0455，同噚日個平均買入價一場，真係發咗場夢。

依家10點35分，睇返我老細比我隻中移先，隻嘢噚日出咗業績，純粹利年升1.1%至10778億元人民幣，末期息1.76港元，符合市場預期。而噚晚單新聞就係集團董事長楊杰喺業績發布會時話正積極研究回A上市。

今日見中移日 圖SlowSTC(14,3)兩線處於5以下嘅嚴重超賣水平，不過%K線%開始高走於D線，殘到呢...不過走勢圖上見(計埋今日)出咗六連跌，保歷加通道口拓闊，股價沿保歷加通道底部($50.053)向下走，暫時(@10:40)出咗「十字星」，keep得到呢個樣，兼守得住$50呢個位置嘅話，出隻Call幫襯吓我老細先。

作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。

MeWe/Patreon/FB/IG：輪證贏家
秒投聊天室：輪證教室