打機男冇人愛？

今季英超衰運之王一定是利物浦，如果要選一個人，熱刺球星迪利阿里穩入三甲，想走又走不了，留隊苦無機會，去年被賊人入屋打傷，最近更被名模女友飛甩，真是事業愛情兩失意的傑出代表！睇相佬話今年肖鼠的朋友會行好運，但肯定不包括快滿25歲的阿里。貴為前英格蘭超新星，阿里在摩連奴入主後，直至上月傷癒才慢慢解凍，但周日以2比0淨勝阿士東維拉，又再次坐足90分鐘冷板凳。此子今季英超僅披甲9場，只有兩次正選，近3場有兩次在場邊目睹球隊贏波，唯一一次落場的卻以1比2不敵阿仙奴，腳頭甚黑。阿里算不上愛蒲之人，但最近被踢爆迷上明星級交友App Raya，原來這名前英格蘭國腳早在情人節前被飛，以致要用毒男方式識女仔。 ...

（節錄）全文共860字