發難不成發爛渣

牛年真係牛脾氣作祟，歐聯十六強一開鑼，球王級球員就輪流發爛渣，巴塞嘅美斯輸波黑面，贏波嘅巴黎聖日耳門球星基利安麥巴比恐嚇要當街殺死佐迪艾巴！真係睇場波都唔得安心，疫情啊疫情，幾時先肯消失呢？周三輪到祖雲達斯球王C朗發難不成變發爛渣，作客波圖諗住衣錦還鄉嘞啩！點不知頭頭碰着黑，結果球隊爆冷以1比2落敗，可以講喺江東父老面前失曬威，難怪賽後同波圖球員握手嗰陣，都嘴藐藐、眼睥睥啦！咁又係啊！波圖今場波守得好，將祖記嘅進攻逐一化解，C朗全場殺上殺落，徒勞無功當然燥火，結果愈火愈唔順。好似下半場佢禁區內心口控定，起右腳抽射竟然射空氣，成個人跌咗落地，就簡直係五十年一遇嘅場面啦！諸事不順未完㗎！又 ...

（節錄）全文共751字