國際財經 | 2021-02-17 18:01
【環宇搜股】同契媽鬥快
踏入牛年首次見面，先祝大家身體健康，出入平安！
想寫嘅嘢太多，尤其今周新鮮滾熱辣公布美股基金大佬的第四季買賣名單，但基金大佬都夠唔呢個人重要，就喺契媽Catherine Wood。
契媽不單在美股呼風換雨，最近先後令移卡(09923)、眾安在線(06060)及平安好醫生(01833)炒上，當然市場一有契媽增持或首次買入的消息，該隻股份即會爆上，問題喺閣下夠唔夠膽同契媽坐埋同一條船。
契媽其實唔單止揸住移卡、眾安及平醫，由她本人揸旗的五隻基金，在港股之中還有持騰訊(00700)、阿里巴巴(09988)、美團(03690)、比亞迪(01211)、京東(09618)。要跟契媽股，玩法有兩個，一喺市場消息一出，便唔理三七二十一快快手跟大隊掃入，第二個玩法是快過契媽買入心儀股份。
從近期契媽爆升股中，不難發現契媽出手最密集掃港股喺ARKF。據網站介紹，ARKF喺主打金融創新，如電子錢包、區塊鏈及面向客戶的平台，意味大家可以收窄選股範圍。筆者估計，潛在契媽雷達範圍股份分別有快手(01024)、金蝶(00268)、阿里健康(00241)、京東健康(06618)、微盟(02013)、有贊(08083)及雷蛇(01337)。
雷蛇有條件變契媽股
不過，若果熟悉契媽選股脾性，佢揸大型股只佔整個ETF持股比例會相對偏低，或者是爆炸動力不強，難以跑贏同業，故中小型科技股才是契媽瞄準目標。
計及股價未有大幅爆升，可比位契媽入貨，筆者認為最大潛力入選契媽股是雷蛇，原因是集團已有支付業務，加上股價又未爆升，市值又唔夠三百億，加埋在電競又喺行業龍頭，啱晒契媽河車。
另外，京東健康(06618)與阿里健康(00241)亦有可能是契媽射程之內，原因是近期股價未起動，變相有空間予契媽買入，加上亦是面向客戶平台股，符合ARKF揀股原則。事先聲明，本欄假倉持有京東健康及雷蛇。
契媽點燈當然好，股價即可水鬼升城隍，萬一未被契媽寵幸，雷蛇、京東健康及阿里健康質地唔曳，絶對可以揸得過。
恒生科指已累飆三成
講番本欄假倉，港股倉受惠一眾銅礦股起動(包括紫金(02899)、 五礦(01208)、江銅(00358)及洛鉬(03993))，加上契媽股移卡爆升，帶領港股假倉勁升兩成八(圖一)，單是本月已累升25.2%，雖然跑贏恒指(同期升14.2%)，但依然跑輸恒生科指，原因是暫時累飆29.9%。
過去一周港股倉操作是買入平醫及眾安，原因是契媽效應，作為凡夫俗子，梗喺跟大隊免被對手放甩。
至於美股假倉，雖然跑贏標普五百，但年初至今只升11%(圖二)，主要是光伏股由高位回落，同時銀礦股依然未突破阻力。不過，值得留意是倉內第五大持股英偉達，股價終於升穿六百美元大關兼創新高，原因是比特幣抽升。英偉達將會在下周三公布業績，若果業績未有太大意外，目標睇840美元。
近期美股假倉加注的股份有Salesforce(CRM)及Zoom(ZM)，兩隻股份走勢也開始改善，從13F睇到，淡馬錫在上季已增持CRM，明顯股價有望走出谷底(圖五)。
雖然港股大旺，但風險永遠存在，尤其負利率債規模下降(圖六上)，意味息口向上，還有10年期美債升至1.3厘(圖六下)，在弱到不得了的經濟情況下，息口趨升絶對是股市不利。
望埋美滙(圖七)，亦再有機會上試下降軌，一旦升穿降軌(現處91.1附近)，隨時會令投資者啟動獲利程式，所以大家要抱實泡沫，同時也切勿跟車太貼，要留意埋四圍交通情況。
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周一、三在「信報網站」及「港股360」撰文。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
