新常態得啖笑

足球新常態之下，好多比賽都係得啖笑。好似英超行新手球制度下，球證完全按本子辦事，禁區內波一掂到手就十二碼，完全係唔當球員係人！球證又試下唔張開雙手跳頂或鏟波啊，睇下會唔會變咗海狗？英聯盃十六強熱刺大戰車路士，迪姆華拿19分鐘為車仔開紀錄，打到75分鐘熱刺中堅艾歷迪亞突然衝出場消失喺球員通道，領隊摩連奴又居然尾隨而去，途中念念有詞，一路跟到入更衣室，你估發生咩事？原來，迪亞突然人有三急仲係開「大」，擺低幾両就匆匆跑番入場。好彩呢幾分鐘熱刺冇失波，84分鐘仲靠林美拉入波追平，再互射十二碼贏5比4添！摩連奴贏波心情靚，賽後變咗良心領隊兼球員嘅慈父。「離晒譜！迪亞48小時打兩場波！賽會唔關心球員 ...

（節錄）全文共792字