地產新聞 | 2020-09-11 20:02

10屋苑周末日預約睇樓跌至565個

中原地產10大屋苑周末及周日錄約565個預約睇樓，按周回落4.6%，跌幅屬輕微，睇樓量仍屬近月來的高水平。

中原地產亞太區副主席兼住宅部總裁陳永傑表示，本月疫情進一步回落，市民入市意欲回升，積累多時的購買力即加快回流市場，帶動二手交投量反彈，市況暢旺。政府新近逐步放寬防疫措施，利好樓市，港島及九龍睇樓量繼續向升。至於新界區，因天水圍大型新盤Wetland Seasons Park第3期推出，分薄不少二手購買力，所以睇樓量下跌。預計天水圍新盤可延續首兩期的熱烈銷情，並且同步推動二手市場氣氛。

據美聯物業分行統計，周末日15個指標屋苑錄約468個預約睇樓，按周微升約0.2%，連續第6周錄得增幅，創10周新高。

美聯物業住宅部行政總裁布少明表示，限聚令由2人放寬至4人，刺激市民外出，準買家積極四出搵樓，物色市場筍盤，同時港島區及新界區均有新盤開價，成為市場焦點；其中，天水圍新盤首批單位貼近市價，新界區預約睇樓量按周下跌約3.6%，反映部分買家或轉投一手市場，故二手睇樓量僅微升。布少明指出，隨着疫情持續緩和，準買家入市信心回升，發展商亦有望重整推盤步伐；加上市場憧憬恢復通關，「北水」重臨，預料後市將重拾升軌，市場氣氛熾熱暢旺。

根據利嘉閣地產研究部數據估算，全港50個指標屋苑共錄1450個客戶於周末日預約睇樓，按周微升1.4%，連升6周，市場氣氛保持熾熱。

利嘉閣地產研究部主管陳海潮表示，新冠疫情受控，限聚措施逐步鬆綁，周末日預約睇樓量持續造好，反映市民入市意欲正在回升；然而，多個新盤登場應市，部分購買力流向一手市場，導致預約睇樓量按周升幅收窄。