阿婆戴綠帽

先講明「阿婆戴綠帽」唔係廣東歇後語，不過今日個主角真係老婆擔遮（陰公）啦！阿特蘭大嘅33歲中場伊利錫，性格和藹可親，操練又懶懶閒，於是有個外號叫「婆婆」，佢7月11日之後就冇出過場！伊利錫係球隊主力，今季出場34次入21球、9個助攻，最巴閉係歐聯十六強對華倫西亞兩回合入5球，協助球隊大勝8比4。可惜，一場新冠疫情令呢位老將患上抑鬱症，最後6場聯賽缺席，嚟緊歐聯八強都唔會踢。阿特蘭大宣布係「個人理由」缺席，幾份意大利報章就大做文章，話伊利錫之前返家鄉打算畀個驚喜家人，點知撞正老婆同個陌生男人一齊，呢勻唔慌唔「驚唔驚喜，意唔意外」啦！直頭頹到想掛靴！至於另一版本關疫情事。話說伊利錫出世冇耐就 ...

（節錄）全文共798字