家嘈萬事興

有啲人鍾意嘈到面紅耳赤，有啲人鍾意自己話晒事，正所謂合則來不合則去，勉強係冇幸福嘅！熱刺領隊摩連奴就屬於嗌交型，亦唔覺得球員嘈交係件壞事，反而證明球員心中有團火、對足球有要求添。達聞西前晚睇熱刺1比0贏愛華頓場波，半場休息見到熱刺門將洛里斯追住孫興民嚟鬧，甚至要隊友以身相許分開兩人。之前參加過軍訓嘅孫仔亦毫不畏懼，擰轉個頭走向球員通道，都廢鬼事睬佢。洛里斯賽後解釋番，原來係唔滿意有球波，孫仔冇追番對方中場球員，好彩李察利臣禁區施射斜出，唔係半場畀對手追平1比1，下半場邊隊贏都未知。「純粹足球嘅事，你哋想作故仔隨便！」洛里斯講。達聞西睇番嗰球波，其實孫仔剛啱逼甩對方腳下球，即刻向前衝接應隊 ...

（節錄）全文共738字