咁都干擾到？

英超個個禮拜有爭議，曼聯作客1比1和愛華頓場波，完場前卡維特利雲禁區內勁射，哈利馬古尼一攔改變方向，門將迪基亞重心移去中路返身乏術，個波碌向門將左下角，越位嘅施古臣即刻舉起雙腿俾波碌入網。主隊上下歡呼慶祝贏波，結果VAR提醒球證吹罰越位在先。愛華頓緊係唔肯過球證啦！領隊安察洛堤仲抗議攞紅牌添。英超會賽後發聲明解釋，話施古臣個位置剛啱同迪基亞呈直線，於是VAR提醒球證判越位。哦！睇畫面畫條線，咁就當妨礙門將視線？呢個世界唔係平面㗎！施古臣坐響地，點影響到彎腰都有六呎高嘅迪基亞呢？前英國首席球證卡頓堡都話入波應該成立，「呢個絕對係好難落嘅決定，但照我睇嚟應判入。施古臣冇錯係越位，但佢冇掂到個波 ...

（節錄）全文共828字