即巿股評 | 2019-01-02 15:48

【短線出招】2019繼續玩Swing

「一月效應」得啖笑，甚至有人話要用相反理論，一月份跌，全年可能唔太差！坊間大部分股評包括大行對今年睇法都係「先低後高」，我也認為早點急跌絕對不是壞事。我們一早根據恒指月線圖的死亡交叉及估波指數(coppock indicator)，等待港股終極一跌來臨，熊市底部介乎二萬點至二萬二比較合理。

2019肯定宜Trade不宜揸，強勢股若果估值略為偏高，隨時成為殺跌對象，故不要老是認為「只要股價企穩甚麼平均線之上」就揸得過。今年繼續玩Swing trade，不殘不博，博也是短打，好似除夕前平保(02318)九連跌，14天RSI低見24.67，為2016年1月中以來最低，買平保牛，周一反彈已可食胡，速賺約一成二。今日平保再插，RSI為24.95，未夠殘，若明早再跌，又是機會。

執筆時平保報67.25元，跌2.7%，剛好跌至100周線，揀60元收回價的平保牛(60645)，今年6月27日到期，槓桿比率8.3倍，現報0.081，跌19.8%，明天找機會買。總之，2019繼續玩Swing，找市場或大藍籌最令人恐慌的時刻，就是機會！

羅崇博 (杜比)