地產新聞 | 2018-07-06 20:05

10屋苑周末日預約睇樓跌3.2%

中原地產10大屋苑周末和周日錄600個預約睇樓，按周下跌3.2%。

中原地產亞太區副主席兼住宅部總裁陳永傑表示，政府出招後一周，多個發展商加快推盤步伐，新盤定價亦屬市場合理價，吸引不少準買家參觀，分散市場焦點及睇樓客。政府出招後影響部分上車客入市意欲，合資格購買居屋人士會等候抽籤結果後再作打算，其中新界區睇樓量最受影響。

據美聯物業分行統計，周末日15個指標屋苑錄約470個預約睇樓，按周輕微回落約1.3%，表現大致靠穩。

美聯物業住宅部行政總裁布少明表示，上周公布房策後，樓市表現正面，買家入市態度理想，一二手物業需求持續殷切，預期發展商踏入下半年推盤步伐加快；加上周末和周日有大型新盤開放示範單位，吸納部分客源，搶去市場焦點，導致二手屋苑預約睇樓活動平穩。

根據利嘉閣地產研究部數據估算，全港50個指標屋苑共錄1505個客戶於周末日預約睇樓，按周輕微回落1.6%。

利嘉閣地產研究部主管陳海潮表示，隨着中美貿易戰展開，加上政府上周推出多項新房策，部分買家態度較為審慎觀望。另一邊廂，港府出招後發展商加快推盤，一手市場百花盛放，不論買家及代理均聚焦新盤，導致二手屋苑未來兩天預約睇樓量回落。