今星期睇真啲

曹星如打到21連勝，佢都可以話係少數可以團結香港嘅人，入場睇拳嘅大部分係斯文人，唔好話未打過拳，相信睇都未睇過，能夠有咁多人哋嘅偶像入場捧曹星如，當佢係偶像，唔單止係佢好打得，亦唔只係佢夠大器識講嘢，更加唔單止係佢靚仔（打拳嚟講佢梗係算靚仔，仲要成日俾人打花塊面），最重要佢係香港人。但凡有香港人做得好，夠毅力，自然有人尊重，大把人撐。好難怪，呢幾年見到啲香港人普遍都係契弟居多，見到個細細粒打不死嘅男子漢，難怪今人瘋狂。加息在即，好快就可以測試股市是否對加息免疫，恒指今年首兩個月內推到兩萬四，絕對有本錢在高位殺落嚟。業績公布期快將完結，無任何憧憬可以炒作，加息後仲可以再上嘅話，咁就真係大時代 ...

（節錄）全文共696字