政治唔同搞生意

有人話，如果你連公司主業都可以做到零，將來你帶領香港，我哋咪一鋪清袋？事實證明，做生意搞到蝕大錢一鑊泡，就算老細位都坐唔穩。但係帶領香港，一鑊泡先至坐得穩。做生意嘅人未必懂得搞政治，識炒股票嘅人反而有慧根從政。做生意成功要講錢，搞政治成功就講權。香港人搵錢就叻，權術係小學雞程度。識賺錢嘅人係直線思維，一心向上，將檔攤搞好，自然就有錢落袋。搞政治奪權，大家親眼目睹，搞得愈亂，反而權仲可以揸得愈緊。你睇土耳其，一場流產政變，總統而家大權在握，清除異己。有啲似股票向下炒，你股權唔夠，向下狂炒，股價有咁殘得咁殘，股票冇人要，自然讓你予取予攜。炒股票要增加自己控制權，唔係要把生意搞好，相反係要將生意 ...

（節錄）全文共733字