升級打全國聯賽

自從香港同大陸愈走愈埋，年輕人就比啲前輩愈來愈辛苦。佢哋要競爭唔係只係同自己人，仲要同背景出身與自己完全唔一樣嘅內地人爭，呢啲咁激烈嘅競爭，上一代係完全冇經歷過。上一代舒服到打份工買層樓就無端端發咗達，安穩退休，仲可以有力幫個仔買層樓。打工嘅年代只要做好分內事、勤力、服侍到老細，到時到候自然有位上，唔太需要𢱑爆頭諗計搵出路。香港人以前打地區聯賽，實力唔使咁高都已經有兩餐晏仔。而家唔同晒，競爭大到你無法相信。突然間升級踢全國聯賽，對手係從未見過嘅內地行家，腳法渣啲都俾人扭過狂抽輸十比零。內地同你鬥嘅，要錢有錢、要人有人、要關係有關係。最重要係，佢哋慣咗激烈競爭，慢一步唔止冇飯食，隨時連命都冇 ...

（節錄）全文共857字