事後先發現

恒生指數微跌29點，全日大部分時間打橫行。原來L形市並唔限於由頂跌落嚟之後打橫行，仲可以係升到上頂之後一直保持高位，一個倒轉L形。呢啲人造衞星市，股價喺天空上面長期唔跌落地，仲蝦人。L形市你還可以執平貨等收息，點都冇得再跌，封了蝕本門。但倒L形市，你要買貨收息就要冒着接火棒嘅風險，隨時賺息蝕價。而家嘅形勢，有錢喺身嘅人要夠耐性，當失去耐性手痕入市，咁就係人造衞星跌番落地嘅時候。買優質藍籌主力收息而家市場係將股票當債券買，主力收息，不過股票始終係優勝過債券。可以當係債券買嘅股票，必然係優質藍籌股，唔會停牌血本無歸，派息穩定唔會一年有一年無，兼且市場有流動性唔會買得唔沽得。只有呢啲質素嘅股 ...

（節錄）全文共629字