詭唔詭異?

好耐未試過返屋企睇台慶，原來依家最好睇嘅電視，就係睇人點樣揶揄電視，詭唔詭異？王維基話考慮參選立法會，參選目的只有一個就係要換特首。差不多每一屆立法會都會有個傳媒紅人出戰，大班、毓民，知名度夠高，基本上一出就贏。但係選到唔代表做到，選舉時候㷫合合，選完贏咗入到去，只係幾十分一，反而變咗普通人。四年之後唔連任，影響力仲唔及得選前嘅一介草民。立法會就係一個消滅個人魅力嘅攪肉機，完裝整件走入去，攪成肉碎面目模糊走出來，詭唔詭異？負資產勝全身冇錢《人民日報》訪問權威人士，坊間都話呢個權威人士就係習近平。只有大陸有呢個可愛，人人都知邊個講說話，但又唔需要露面話係自己講，有親身講嘅效果，冇現身說嘅責 ...

（節錄）全文共693字