愚父三遷

個女第一年過農曆新年，為我同老婆收復好多利是失地，青春期之後第一次覺得新年都唔係好無聊，但係畀旺角一場騷亂搞到心情低落。上面書，見Marie話返旺角阿媽屋企食開年飯計劃被迫改到灣仔細佬屋企，兩老還要行一個港鐵站先搭到車，但開年飯點都要食；家姐睇住電視話如果佢個女係警察，佢一定會執起磚頭掟番班暴徒。留意番，呢句係家姐有史以來對時局最激進的評論。心情好亂係因為由北京搬返香港，諗住可以避開PM2.5呀地溝油呀咁，點知香港唔知幾時已經發展到為食串魚蛋都要縱火的地步，完全無計傾。啱啱先喺香港搵番份工，我唔知自己有冇能力為咗個女再遷一次。都唔係好人一面倒譴責嗰個陣營就唔講喇，撐嗰邊通常會話，「暴 ...

（節錄）全文共936字