一波一波跌落去

索羅斯話佢都未試過通縮係點。出生於1930年匈牙利，美國大蕭條唔關佢事。取消金本位之後，貨幣供應只有不斷上升，長期喺紐約同倫敦生活嘅佢，自然未生活過通縮嘅環境。但喺亞洲嘅呢一邊，在日本甚至香港，通縮係乜嘢一回事，好多人都有模糊嘅概念。通縮是否咁可怕，可能冇索羅斯睇得咁悲。通縮係乜嘢？唔係官方語言嘅廣東話最貼切：賤物鬥窮人。愈平愈見鬼，愈平你愈唔敢買。有資產在手嘅人，最怕通縮，因為手上資產愈跌愈平，要套現就要劈價。反而有現金在手嘅人，選擇愈嚟愈多，愈想等平價入貨。但係價錢下跌始終有底，最多係零，唔會係負數。愈快跌到接近零，愈快有人撲出嚟接平貨。印咗嘅銀紙係唔會消失，只會擺喺床下底唔攞出嚟先會有 ...

（節錄）全文共715字