2016-01-06 00:00
獅子山學會 白仲祺
如何成為眼睛雪亮港女的男神
睇完香港電台的男神選舉，筆者第一個感覺是：游學修自稱為「廢青」，但是他在幕後回答問題時，雖然一眾港女還未看到他們是誰，但是游學修一直都知自己對手是一個過億身家的上市公司主席喔！所以他的表現算一流。如果是筆者，我都應該成場腳震。
節目過後，一眾港女受到全港公審。而獅子山學會一直都捍衞港女，所以今次亦不例外。大家口裏說着錢不重要，但是六合彩就每期都買。其實港女選男神，港男亦同一時間在選女神，所以這世界非常公平。
窮便要儲多點錢
當然，如果兩個人，一個係窮鬼，一個是過億身家，拉丁話ceteris paribus（所有其他因素一樣，例如性格、理想等等），大家都沒有原因不去選有錢那個人，這樣不算是歧視。大家不記得劉主席教訓大家，窮便要儲多點錢，不要成日去日本shopping。但香港人，有邊個不想去多點旅行，認識香港以外的世界，甚至可以移民拿多本護照同香港講聲byebye呢？
但現實一點，億萬富豪供不應求，而劉鳴煒是不是港女男神都好，一個劉鳴煒怎樣都不夠所有港女分。所以港男們，就算你老豆不是劉鑾雄，都不代表你沒有成為男神的一天。而今天我就想教大家如何變男神。
和阿媽一齊住零租金
劉主席教大家搵萬五要儲起3000，並去少點日本玩，但獅子山學會教大家如何又去日本又不會要「瞓街」。辦法好簡單，就是大量增加自己的可支配收入（disposable income）。大家有手有腳，當然不會去申請綜援。但試想一下，如果兩人收入相同，但其中一個要付8000元租，但另一位只要付幾百甚至零，便有更多資源去日本開眼界，連帶埋港女一齊去都仲得。
如果你問道，香港咁多土地問題，哪有零租金的屋租？留在家裏和阿媽一齊住便可以了。但如果你嫌阿媽煩，又想自立，便請一早申請公屋。
大家都有住屋需求，而在香港，年輕有為的人伸大手板拿綜援，必定受到歧視，不過住政府樓就不算拿福利，所以沒這個問題。
如果你問：公屋不是珍貴資源，應該留來給窮人嗎？其實怎樣才算是窮人？大家去過東京首爾都知，無家可歸要睡在地鐵站的人比香港多很多倍，所以就算多你一個住公屋，又有什麼所謂？看香港政府設立的貧窮線都無用，因為只看收入，不看資產。
幾多錢都買唔到住公屋
一對夫婦可以住豪宅，又有千萬現金放在銀行戶口，都依然可以被貧窮線標籤為窮人。而且公屋制度，雖然有資產審查，但你有聽過有人會被踢出來嗎？就算社會成功人士，愛穿哲古華拉T-Shirt的那位立法會議員，賺了議員人工這麼多年都未被踢走，何況是你？原來要被踢走，要收入和資產都同時過界。
但最近一位專業會計師公屋住戶被捉到虛報收入和資產，月入3萬幾亦擁有私樓，法庭都只輕判罰款2萬幾，連監都不用坐。連公認男神歌手坤哥，最近得獎後，未有講過會交還公屋單位，只講了句：「住公屋好輸蝕失禮咩？淨係人情味，幾多錢都買唔到！」
所以想成為男神，便早日遞表申請公屋，十年八年後，幾多錢都買唔到的機會便是你的。
作者為獅子山學會營運總監