熱門:

2015年2月25日 港股直擊 即巿股評

【盤房來料】靜靜局翻炒半新股搵節目

今日初七人日,人人生日,希望今日大家喺市場內都搵到份生日禮物。內地股市今日假後重開,紅盤高開後跟港股雙雙『快落』,恒指早段更一度失守24700點,直至內地公布PMI初值回升至50.1,內地跟港股靠穩跌幅收窄。港股能夠收復失地,全靠財爺出場宣讀『畢直』開始,恒指逐步回升扭轉早段跌勢,財爺果然係民望最高嘅司長。市場焦點都係財爺份『畢直』,當中減稅及加大子女免稅額最得大家歡心,可惜未見大派『獎金』,口痕友話唯有自己入場炒多兩轉搵餐食。

好老實講由初五放完假到今日,呢幾日市況偏向靜局,唔少莊家炒鬼仍然外遊未返,個別股份僅有零星炒作,唔夠鑊氣好難炒得起。今日又見一堆半新股落鑊,由新龍移動(01362)率先破位帶動,佐力小貸(06866)同BBI生命(01035)分別錄得4.2%及5.4%升幅,時間由你(01327)同日成(03708)升得一格似乎炒唔起。幾隻半新股比較,阿Man會揀佐力,現價八倍幾PE唔算貴,市值更不足5億元,細細粒容易食,加上其貸款業務前景理想,現價上車博上番1.8元都幾和味。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。