6月份美國通脹數據高過預期，但美國長債挾極都唔起，本欄一向都唔擔心市場所講甚麼70年代式超級通脹，鴿后美國財長耶倫昨晚又解畫，未來數個月料續快速攀升，但將會回落至正常水平，明顯佢地根本就唔驚通脹。
美國官員最驚喺失業率唔跌，尤其派錢金額大，民眾揾工意欲低，不如及時行樂玩咗先算，最慘喺人有墮性，諗法已變做不如攞失業救濟算數，故聯儲局唔敢對收水亂來。
內地創業板指數跑贏納數幾條街
疫情以來，美股三大指數持續創新高，中港股市遠遠跑輸，事實喺咪真？筆者發現原來喺大錯特錯。
以2019年12月31日至2021年7月15日比較，揀美中港三隻最具代表性的科技對比，包括Tesla(TSLA)、寧德時代(300750.SZ)及美團(03690)，無可否認Tesla喺最勁，累計狂升6.7倍，第二位是為Tesla供應電池的寧德時代，合共升4.3倍，本港代表美團則只升1.85倍(圖一)。
若以中港美三地指數層面，情況卻好大分別，納指疫情至今累升64.3%，當然遠遠跑贏恒指(同期只升4.5%)，但泊埋內地創業板指數，納指跑輸幾條街，原因喺內地創業板指數在疫情時勁升98.5%(圖二)。
再從三隻相關ETF互撼，包括追綜納指100的QQQ、追綜內地創業板指數的本港上市ETF南方中創業板(03147)及盈富(02800)，其差距分別更大，原因是同期三隻ETF升級分別為71.1%、1.1倍及3.7%。
內地大量優質製造企業上市
為何會出現內地創業板指數跑贏納指現象，一來之前內地股市被市場忽略，尤其新興製造業方面(大多是創業板上市公司)，但疫情全球爆發下，印度、泰國、越南及印尼先後受疫情引致大規模停工停產，相反中國抗疫表現突出，整個產業鏈在內地近乎未有停產，或令資金關注內地製造企業。
另一方面，雖然中國第二季GDP差過預期，但規模已升至16.6萬億美元，明顯再追貼美國，雖然中國軍事、互聯網、晶片及基本科學能力比美國遜色，但應用科學及製造業實力不比美國曳，應用技術如電池及太陽能等等更比美國出色，在二佬威脅大佬的心理下，中美分歧未來只會越來越大。
總括來講，中美兩地科指各有特色，美股最佳投資類別是晶片及科網，內地創業板最佳投資多大是「3」或「688」字頭的硬科技股，奈何一般散戶未能直接參與，唯有透過ETF進軍市場，但最重要喺改變過往投資觀念，咪以為納指遠遠跑贏內地科技股為主的創業板指數，最終忽略A股市場，其實喺大錯特錯。
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周三、五在「信報網站」及「港股360」撰文，另每逢周二在《信報》撰寫「美股歷奇」。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
