噚日隻恒指牛(67650)被我烏鴉口話一格都殺，點知就真係一格都被我殺咗；如果個人堅忍少，揸貨到今朝嘅話}，應該唔駛咁慘烈。
依家10點24分，遲咗開筆皆因今朝返嚟就見到一個8點45分嘅message，金主招見；傾完有關product，以至點樣重新定位去令User有一個新角度去揀輪證(係呀！講緊你哋呀！咪再用大成交揀輪呀！搞到人哋頭都痕埋)之後，出返嚟見到個市中咗傳說中嘅「面目全非腳」，幾乎由綠轉紅咁滯，喺五分鐘圖上先後跌穿50分鐘線(五分鐘圖 x 10線)同100分鐘線(五分鐘圖 x 20線)之後，仲見SlowSTC(14,3)勢頭向下，出到鍾擺，於是喺聊天室度同大家講淡倉可以出動；怕且我真係又黑氣纏身，呢頭講完嗰頭又無啦啦咬住100分鐘線向上，唯有睇睇五分鐘圖會唔會翻身再上破埋條50分鐘線啦。(呢句都唔打完就已經破咗，我應該中咗「放咗先嚟升」降)
幫一個舊Finacial PR朋友(轉咗去做beauty)去搵我舊公司專係負責做beauty嘅同事，line up咗佢哋之後，我發現恒指五分鐘圖出現咗我最想出現嘅畫面：沿住50分鐘線下行。天呀！我已經打算喺個股方面著手架啦，咩事要我咁睇唔開呀？係咪就係因為我無時時刻刻睇住你？你阿奶都唔會7X24睇住你啦，吓話？
唉...上晝都係休戰先，遇上黑氣嘅時侯只有一個方法去對付：唔做任何嘢！paper trade算。
預告今日【每日一股】承會員要求，拆解信達生物(01801)，有意者請課金(哈哈)。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon【每日一股】：https://www.patreon.com/cbbcwar
秒投輪證教室：https://bit.ly/31HG6AN
