噚晚揀咗隻騰訊(00700)出嚟，仲喺朝早大約11點25分至上半場完場，見SlowSTC(14,3)處於超賣水平，所以就將隻騰訊牛(63739)放落場，按當時高低位做過$0.28/$0.229，平均買入價為$0.2545。
不過，去到下半場已經見騰訊五分鐘圖嘅保歷加通道有拓闊及持續向下嘅走勢，為止定出止蝕位：喺五分鐘圖畫條頸線出嚟，一穿即走！
同踩單車一樣，學識踩單車之前就要學識跌，學識點樣跌先至令到自己受傷嘅情況盡量減輕；要喺市場企得穩，止蝕係第一課堂，學識點樣去輸，先令到自己真係輸嘅時侯無輸得咁痛；that's why班行其實係著重於risk managment多於gain profit。
喺噚日下午2點45分至2點55分，騰訊就係跌穿咗嗰條頸線位，按呢段時間(63739)高低位做過$0.232/$0.222，平均走佬價為$0.227，對比平均買入價，輸10.8%。依家10點6分，返轉頭睇再一次證明止蝕嘅重要性。
今朝起身睇新聞報噚晚美股創新高後倒跌，右下角loop住個指數，見到日經跌緊400幾點，但每loop到日經個數，就再跌多啲，直至差唔出多門口時見到跌逾600點，媽的！(國語)
喺呢個時候眼尾睥到電話有notification push，話「政府購入東京奧運轉播權供香港電視台播放」，第一時間更係問體育界權威(即我家老爺)：呢啲唔係電視台自己爭架咩？咁點解要香港政府出錢先？老爺比咗個市傳嘅答案我，但諗深一層，賬面喺答案都唔係重點，重點係全港納稅人埋單please。
依家10點19分，恒指仍然keep住跌逾600點，日經都跌幅再擴大到跌逾700點，坦白講你問我依家追咩好，真係追條毛，彈又彈唔起，跌又已經深插咗一下；換個週線圖，見恒指5月開始喺週線圖上已經失守20天線，SlowSTC(14,3)勢頭向下似乎仲有得跌，望望月曆5月一半都未過，狠狠地恒指Put(22380)，行使價27500點，價外約1.6%，今年年底到期，低引伸、槓桿適中，就用你週線圖博10同20天線做今個月嘅阻力啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
秒投輪證教室：https://bit.ly/31HG6AN
