熱門:

2021年5月5日 港股直擊 即巿股評

【輪證贏家】平保日線見「穿腳破頭」

噚日輸咗隻恒指熊(53444),今朝攻完啲message再出門口,喺地鐵上見到恒指裂口下行開市,心諗:唔通放錯咗隻(53444)?到開晒電腦之後,見到指數今朝向下落咗一下之後,五分鐘圖上即刻出咗粒「十字星」,跟手指數再拗返上去,至依家10點2分,指數倒升89點,做緊28646點,但喺五分鐘圖上已經見到SlowSTC(14,3)上到90以上嘅嚴重超買水平,陰陽燭圖上亦見到有兩粒疑似「射擊之星」嘅物體,聊天室戰友問可唔可以出淡倉,呢啲位坦白講,DT係可以嘅。

去到小時圖方面,本以為今朝恒指下行時,以小時圖見保歷加通道中軸會成為新阻力,但今朝早呢一下拗腰已經將指數上破咗中軸水平,so far出現嘅呢粒「十字星」反而令人無乜頭緒,DT都係用返五分鐘圖SlowSTC(14,3)做住swing trade先。

恒指呢期對佢嘅手感麻麻,又試下向個股發展。今朝睇咗隻稿講平保(02318),諗諗下:係喎,好鬼耐都無見過呢隻嘢啦喎,於是就開個走勢圖嚟睇,日線圖上見平保SlowSTC(14,3)已經出現咗超賣再超賣嘅情況,10天線由4月初開始至今成為阻力(之前都係嘅,只係中間有一、兩日上破下,所以先至叫做少少斷纜啫);但比較在意嘅係,以截至依家10點24分計,日線圖上今日出嘅陽燭,同噚日嗰粒細「陰燭」夾埋變咗「穿腳破頭」,剛好SlowSTC(14,3)%K線低位升穿%D線,開隻Call博一博上返10天線都好似有路行。

平安Call(23665),行使價85.5元,同現價有約2.95%價外,今年9月底到期,引伸及槓桿適中,低街貨亦係賣點之一。一如以往,吼五分鐘圖見到SlowSTC(14,3)落到去超賣位時先至出手都未遲;剛剛都有同聊天室戰友講話可以趁平保五分鐘圖出「高位十字星」小試淡倉,較早前連50分鐘線(五分鐘圖 x 10線)都穿埋,比多少少心機去等多陣啦。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

MeWe/Patreon/FB/IG:輪證贏家
秒投聊天室:輪證教室

放大圖片

放大圖片

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads