噚日睇中京東(09618)，仲揀埋隻京東Call(21302)出嚟，講明吼佢五分鐘圖SlowSTC(14,3)落返去超賣區先至進場。最終喺大約1點10分至1點25分，京東五分鐘圖上SlowSTC(14,3)落到20以下嘅超賣水平，按呢段時間(21302)都係做緊$0.146，不過，一入一揸就變咗過夜貨，唔緊要啦，反正都係Call嚟架啫，帽事嘅。
同HR同事講完個電話，已經10點12分，恒指今早高開後，到正式開市就飆咗上去，至依家升247點，做緊29002點，最高暫時做過29040點，熊證首層街貨28900至28999點全數死亡，帽事嘅，呢層得嗰20張期指街貨咁大把，而29000至20099榮升做最貼價熊證街貨層，呢度有相當於444張期指。
今朝喺聊天室都講定開市手快可以搶好倉，個市彈到上9點55分，喺五分鐘圖上見指數高位做過29035點/29040點，爭5點都唔知計唔計做「平頂」，不過SlowSTC(14,3)就明顯下行，所以都同戰友們講聲「如果今日用咗啲高槓桿嘅牛證出手的話，可以隨時收工」。
至於隻過夜京東Call，由於當初係用日線圖做trade，睇中嘅係星期三(4月21日)喺保歷加通道底以外範圍出「錘頭」，同埋噚日(22日)重返保歷加通道裡面，而SlowSTC(14,3)就確認低位回升。
今朝京東隨恒指高開後有見升幅擴大，至朝早9點45分至10點，喺五分鐘圖上見SlowSTC(14,3)由噚日收市前嘅接近超賣水平，上到當時高過90嘅嚴重超買，與此同時，喺五分鐘圖見呢段時間京東高位同做$296.8，明顯「平頂」格局，呢個位放走隻(21302)亦屬靚位。
就算返轉頭望返京東日線圖都係咁話，承如噚日【輪證贏家】所講，京東嘅日線圖「10天線仍然係阻力」，於是可以將(21302)沽走，以當時高低位做過$0.168/$0.166計，平均沽貨價為$0.167，平均賺幅為14.4%。
以過夜注計，呢個賺幅都算有交代啦。
今日嘅【輪證下半Part】我要睇睇時間，未必寫到，盡力，隨緣，感謝。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
