猶記得有位舊同事因為要幫手做social media嘅稿件，於是佢開咗一個Page專係用嚟試嘢，個Page叫做「我阿媽有公主病」(唔使search啦，個Page係Private架)；當初我見到呢個Page嘅名，再加埋佢開心share佢阿媽有公主病，家人嘅心路歷程，確係笑到扒喺度。但係，我發覺原來我老媽都有公主病，只係不定期、唔頻密、偶爾病發，然後第二日會有自我調整機制(or睇情況啦)，WingYi，我完全明白了；不過到另一個病發...
有自我調整機制嘅，仲有一堆早兩日被打到殘嘅新經濟股，價殘就當然吸引資金低撈啦；而咁多隻之中就揀咗隻騰訊(00700)出嚟，唔計佢日線圖SlowSTC(14,3)到底+下方有50天線支持住+陰陽燭圖上呈「倒轉錘頭」，今日出業績都係一個賣點呀。
拆開5分鐘圖見騰訊由噚日下晝嘅3點25分至收市時，SlowSTC(14,3)都處於嚴重超賣位置，於是噚日揀定嘅騰訊Call(15560)可以落場，按當時(15560)高低位做過0.27$/$0.23，平均買入價為$0.25。而今朝騰訊反彈，目前見日線圖被條保歷加通道中軸($538.54)。再睇返(15560)依家10點43分輪價有$0.36，計落都已經有四成水位，仲等唔等業績定割禾青先，就隨便你啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
