熱門:

2020年10月30日 港股直擊 即巿股評

【輪證贏家】耳鳴

噚日喺[下半part]揀咗三隻科技股出嚟,博係繼騰訊(00700)同美團(03690)後嘅下一隻新高,最後揀咗京東(09618)、小米(01810)同阿里巴巴(09988)出嚟,係有啲大包圍嘅,結果今日小米同京東跑出,兩隻都叫做逆市上行;中線少少去秤嘅話,小米應可秤得重啲,事關純以圖表計,佢日線條SlowSTC(14,3)喺30呢個位就見屈返上去,位置上比起京東嘅7X優勝好多。

依家10點47分,哈哈,呢隻稿嘅時間愈嚟愈晏,無他嘅,一個人兩隻手又可以做得幾多嘢呢?不過好彩今日恒指唔係話幾百點咁大上大落嘅日子,就算再過到依家11點,恒指依家都只係跌74點,做緊24511點;不過咪睇少呢幾十點上落,聊天室室友們今日就被呢幾十點咁窄嘅範圍玩死,包括我-_-;今日恒指上定落我都唔多理解,只係知道太窄嘅市的確難玩,同步隔兩個位嘅一位外籍同事由今朝早九點幾講電話講到依家,佢個種一口氣唔停、低頻、無高低起伏、死唔斷氣嘅音波功攻咗我兩個幾鐘,的確,我已經變得不耐煩。

真心諗唔到嘢。就咁啦,下半Part暫停一日。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/IG/Patreon/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads