熱門:

2020年10月15日 港股直擊 即巿股評

【輪證贏家】騰訊熊小注出動

噚日揀咗隻恒指牛(57284)出嚟,等到下晝2點35分至3點5分,恒指5分鐘圖上SlowSTC(14,3)上到80以上水平,且喺走勢上恒指貼價保歷加通道頂橫行,睇返呢段時間,(57284)高低位做過$0.069/$0.066,平均價為$0.0675,對比平均買入價$0.064雖然都只係得幾格落袋,但噚日都講過呢一注都只係DT,雖然係雞肋,但總好過一格都無呀。(當你見到今日恒指裂口低開之後,你就更加發覺「一格都好過無」呢句說話真正奧義)

依家10點47分,一早返嚟九萬幾樣嘢要處理咗先,整好晒望望鐘就到呢個時間,恒指已經跌幅擴大至跌24444點,跌222點,噚日熊仔過夜嘅室友,無論係恒指熊、小米(01810)熊還是騰訊(00700)熊嘅,今朝早食得肥美;不過,肥熊似乎依家先係開始。

如此述三隻underlying秤的話,以日線圖計,騰訊確係比較易出淡倉嘅一隻,事關SlowSTC(14,3)兩線已經上到超買至嚴重超買水平,噚日早兩日升穿保歷加通道頂,今日一支陰燭出現,走返入保歷加通道裡面,就連14RSI都見高位回落嘅跡象,騰訊熊(54670),收回價$600,同現價有逾7%差距都只呢一注只係DT,最多過一夜晚架啦,吼5分鐘圖SlowSTC(14,3)上返超買位先小注落場...希望你上得返去啦。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads