今朝鬧鐘未響個天就響，行咗兩三個雷之後，再聽到啲雨大到好似「洗窗」咁，就醒晒；但係個人都係要瀨死喺張床度，直至鬧鐘響為止。
今朝出門口以為無落雨，一行出大廈門就feel到幾粒大雨滴落嚟，開遮都開唔切；上到巴士見恒指開市報24584點，升116點，最高見過24615點，換言之今朝開恒指開市無耐就將熊證第一層24500至24599點嘅街貨全數殺死，無嘢嘅，呢度都只係得123張期指啫。
恒指今朝高開，同步喺5分鐘圖見SlowSTC(14,3)兩線被搶高至嚴重超買水平，按鐘擺策略嚟做Trade嘅話，呢個位真係入熊證嘅好時機，但此前再睇埋恒指牛熊證街貨圖先，見到今日有五層新層熊證街貨，其中包括開市無耐被啪死嘅24500至24599點，因為呢層死咗嘅關係，所以依家最貼價為24600至24699點，呢度有相當於18張期指。
至於牛證方面，最貼價層為24200至24299點，呢度有相當於185張期指，但最吸睛嘅仍然係24100至24199點，同埋24000至24099點，因為分別有相當於1219同1744張期指街貨喺度。聊天室班弟兄姊妹一早入咗熊，依家基本上都係等開飯，依家10點22分，恒指升轉跌做緊24449點，跌19點，5分鐘圖見SlowSTC(14,3)由今朝嘅嚴重超買水平下行至依家接近超賣位置，似乎大市仲有得落，反正牛證街貨咁鬼重，恒指熊(60471)，收回價25008點，同現價有近500點差距，31倍槓桿適合day trade，等5分鐘圖SlowSTC(14,3)上返去超買水平先至小注一試。
至於部咗幾日嘅平保(02318)，喺噚日下畫3點25分至3點55分，見5分鐘圖SlowSTC(14,3)升至嚴重超買水平，不過平安牛(63944)似乎唔多郁，喺噚日嗰段時間最高見過$0.116，以平均買入價$0.115計，一格絕對唔係一個理想嘅賺幅；見依家10點36分恒指又再轉跌為升，平保日線走勢上未見有太大問題，(63944)就再比多少少耐性。
最後噚日喺【下半part】講嘅港交所(00388)，日線圖上見今日返爬返上去50天線($369.81)，只係SlowSTC(14,3)%K線低位未升穿%D線，10天線($380.18)又逐步迫近20天線($378.21)，想出「死亡交叉」咗嘅樣，但我都會等你，就等你睇下會變咩樣出嚟。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/秒投聊天室：輪證贏家
