依家9點28分，距離全民禁止堂食仲有大約14.5個鐘頭；另天文台話由星期四(7月30日)起一連幾日會出現狂風暴雨，擔心嘅唔係諗住叫咩外賣或者晾起咗啲衫幾時乾，而係無固定工作地方而又無得WFH嘅香港人，佢餐飯可以喺邊度解決啫，唉...(咪再講郊野公園呀！嬲呀！)
恒指今朝開市報24942點，升339點；而噚日冷冷地吼咗嘅金沙中國(01928)都有進賬，升0.7%，開市報$29.3；到正開市後，恒指升幅有所收窄，金沙呢啲暫且small potato就當然只能夠跟住高開低走，而噚日揀嘅金沙Call(24654)喺9點37分時做緊$0.084，對比起噚日計過嘅第一輪平均買入價$0.0875同第二輪嘅平均買入價$0.084，仲未至於好甩離，但都要睇路嘅。
恒指科技指數噚日就正式登場，但可惜遇上跌市，ATMX四股基於本身都嚴重超買咗一段時間下，順便回一回調，到今日股價雖然都彈返啲上去，但喺日線圖上就見到SLowSTC(14,3)其實仲未到底。
不過，同屬恒指科技指數成份股嘅網易(09999)同京東(09618)反而見SlowSTC(14,3)落到超賣位。兩者比較，京東今日升上20天線，且SlowSTC(14,3)%K線剛剛低位升穿%D線；至於網易囑雖然SlowSTC(14,3)同樣落到超賣位，但%K線同%D線未見異樣，且10天線($143.17)勢頭似打算向下衝落20天線($142.56)。一秤之下，京東更為值博。
京東Call(14622)，行使價$246.18，1.73%價外，於附近行使價中屬高槓桿、低引伸之選。
依家9點52分，見京東5鐘圖SlowSTC(14,3)喺超買位掉頭下行中；至於隻金沙5分鐘圖見SlowSTC(14,3)已經由開市時超買回落至接近超賣水平，一個準入，一個等機會走，同一時間唔好揸得太多唔同嘅貨，如果唔係會睇唔切。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB：輪證贏家
