熱門:

2020年5月7日 港股直擊 即巿股評

【輪證贏家】阿里分鐘圖見超賣

噚日都無乜點理到個市,反正上得到條10天線同20天線,高少少位置仲有條50天線等住佢。於是就轉陣睇隻阿里巴巴(09988),留意咗兩日,終於喺噚日出現異動,但5分鐘圖就見SlowSTC(14,3)幾乎全日都keep住喺嚴重超買水平,噚日喺[下半part]揀就揀咗隻阿里牛(60986),但就係喺寫緊[下半part]時,見SlowSTC(14,3)回落至6X至7X呢個位,進取者可以小注一博,但如果按一貫玩法嘅話,其實噚日都係得嗰睇字。

計過數,如果進取者噚日真係喺下晝大約2點25分至2點30分,趁SlowSTC(14,3)回落時買入(60986)嘅話,按嗰段時間(60986)高低位做過$0.135/$0.133,平均買入價為$0.0134。

跟手見阿里喺5分鐘圖上走勢係再次回升,而(60986)證價亦都有跟。唔駛等好耐,10分鐘打後,即2點40至2點45分,阿里SlowSTC(14,3)上返9X以上位置,其實就咁睇(60986)證價都有幾格執(係COVER到手續費架)。按當時(60986)高低位做過$0.148/$0.139,平均賣出價為$0.1435。一計之下半個鐘都無嘅一買一賣,就有7%賺幅。「嘩!難度好高啫!」係呀,所以先至話係進取者先好做。

「咁唔進取嘅又點做呢?」今日恒指低開,依家9點58分,做緊23917點,跌219點,阿里當然跟市跌,仲要跌幅勁過恒指,10天線($196.62)仲跌穿埋條20天線($197.17),「短期死亡交叉」出現咗。

不過,阿里日線圖上SlowSTC(14,3)%K線(14.99)低位升穿%D線(14.73),且目前股價接近「上升通道」底部,要捉佢或者都係Day trade比較穩陣。

由於阿里今日隨市下行,以(60986)收回價$184.18計,同現價差距收窄至約3%,槓桿亦上升至逾21倍,更加適合做day trdae;但想將個距離拉返遠少少嘅話,可試差距5%或以上嘅牛證,如(60878),收回價$180,屬低街貨之選。

作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

電郵:[email protected];FB:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads