熱門:

2019年8月9日 港股直擊 即巿股評

【輪證贏家】港鐵Call你食咗未?

噚日偷偷地入隻港鐵Call(28989)玩下,喺大約10點50分至11點15分,見港鐵5分鐘圖上SlowSTC(14,3)落到超賣水平,呢段時間(28989)高低位就做過$0.049/$0.046,平均買入價$0.0475。

入咗無幾耐之後,大約喺上半場收市前15分鐘,港鐵5分鐘圖上SlowSTC(14,3)又上返去超買位,當時(28989)高低位做過$0.056/$0.053計,平均價就係$0.0545,七格/14.7%嘅賺幅都唔差架。但Miss咗呢個位嘅話,坦白講噚日下半場(28989)大部份時間都做$0.053/$0.054呢啲位,走嘅話賺幅同上面計嗰粒數就差唔多,都係1X%。

不過如果揸到今日嘅話就唔止執雞咁簡單啦。今朝港鐵隨市上升,開市報$49.85,升2.26%,仲爬返上去條100天線($49.591)。而(28989)今朝開市都彈咗上高位$0.064。依家9點50分,就以開市至今(28989)高低位$0.064/$0.059拉個平均數$0.0615計, 平均賺幅都有29.5%,點都夠買今朝份早餐掛,就算你入機場食都夠找數啦。

依家9點54分,睇返恒日線圖,一心諗住會見到嘅「早晨之星」已經無啦,換嚟嘅暫時都仲係一粒陽燭,不過高開低收中咁解。而下方技術指標SlowSTC(14,3)同14RSI都仲係向上兜緊,只不過見到DMI條ADX斜度就無之前大插時咁斜,即係暗示呢三日嘅反彈力度無之前咁強。

開埋恒指牛熊證街貨圖,見下方牛證最貼價上到去25900至25999點,呢度就只有167張期指,再向下數多五層就一張街貨都見唔到,第七層25300至25399點呢度就見到有1873張期指喺度,好明顯就係呢幾日大市急插過後大家都用早幾日嘅「貼牛」嚟博技術指反彈,好啦博到啦(計埋今日都叫做連升三日),但係個幅度同力度唔夠,於是啲牛證就繼續留係原地(持貨),只人係問題在於三日前嘅「貼牛」,如今變得「遠牛」,按依家10點16分恒指現價26183點同重貨門口位25399點計,兩者相差成784點。

至於上方熊證,最近街貨為27500至27599點力有447張期指,雖然係新增層,但仍然同現價有1317點差距。唔通個市去到呢個位就完?還是繼續用慢升嘅手法去儲重貨先再有新決定?反正冷吼港鐵Call得咗,而依家個市升幅又收窄咗少少,都係等下半場睇吓咩環境再算。

作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

電郵:[email protected];FB:輪證贏家

#輪證贏家 #輪證下半Part #warrantsandcbbc

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads