熱門:

2019年7月18日 即巿股評 港股直擊

【盤房來料】投資黃金ETF仍為不二之選

唔係阿Man馬後炮,之前講過N次,中美貿易談判仍存極大變數,並非一次特習會可以扭轉困局,尤其中美雙方喺唔少重要立場上仍有分歧,又豈能一時三刻可以解決。喺中美貿易談判停滯不前下,美股隔晚下跌,港股今早亦向下。
恒指低開200點後,跌幅收窄至81點,見過28511點半日高位,但10日線(28457點)跟20日線(28510點)滙聚區漸見阻力,100日線(約28633)阻力變得更為遙遠。其後跌幅再度擴大至216點,見過半日低位28376點,低位暫見支持。恒指半日報收28453點,跌139點;國指中午報收10802點,跌45點。

重磅股普遍腳軟,一向係恒指重心嘅騰訊(00700)呢期確係唔精神,暫時騰訊喺375元阻力大,而350元係短線支持。騰訊就喺呢個range裡頭,跟恒指喺28000至28600點之內上落行range 不謀而合。至於其他重磅藍籌股同樣腳軟,友邦(01299)跟平保(02318)算係較為硬淨嘅重磅股,逆市上升,其他保險股亦同見上升。至於石油股又受壓,都係嗰句,講咗N次油價有波幅,冇升幅,石油股即使見到短暫升勢,都唔好輕易落搭。

呢期喺板塊炒作方面,都係物管股同醫藥股較為可靠,而之前有提過嘅內需股,當中就以食品股跟乳業股較有睇頭,今日呢兩類股份又見資金湧入,主要係內地早前公布,上半年社會消費品零售總額按年錄得8.4%增長至19.52億元人仔,反映阿爺谷內需嘅政策,有一定成效。

由於預期金價喺下半年可繼續走強,阿Man亦多次建議要買SPDR黃金ETF(02840)看門口。金價果然喺整固後回升,重上1420美元,SPDR今日同樣升1.2%,相對其他金礦股,黃金ETF可能單日升幅無咁勁,但勝在夠穩陣,所以想以另類方法投資黃金,黃金ETF仍然係不二之選。

麥狄文
(徐狄怡‧證監會持牌人 滙盈資產管理‧董事總經理)

 

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads