人稱「舖王」的資深投資者鄧成波表示，現時樓價高企，不過以自己多年投資經驗，「今年樓市冇問題」。因為自從美國實施量化寬鬆後，好多資金留在香港作投資，而且美國未來加息不會太多，以他估計，最多只會加至3厘以內，「今年就算加4次，夾埋都只會加1厘，要加到3厘，都要多2年時間」。加上近期地價做好，「咁多發展商一齊出高價去投幅地，佢哋咁專業應唔會睇錯市」。
而且，現時入市買樓的買家，全部都是資金充裕，「唔似97嗰時，市民係用晒所有積蓄去買樓」。因近年樓價上升，不少市民手上的物業升值，都已持有多個物業，在財富效應下，絕對有足夠財力。
不過，鄧成波認為，現時年青人是沒有能力買樓，「現時有2萬蚊月薪，計埋通脹，仲搵得少過十幾年前1萬蚊，錢唔見使」。他指，當年一開始出來社會工作，都不會以買樓為目標，買樓是長遠負擔，不須心急。
鄧成波指出，政府如要加快住宅供應，應考慮工廈物業可改為過渡性房屋出租，加快輪候公屋人士的上樓速度，由政府限制租金，適當運用土地。
去年以12億元購入的屯門住宅菁雋，今年底收樓，將會以高級老人宿舍形式營運及出租，雖然單位實用面積最細只得128方呎，但基座有大量配套，希望長者不會長期留在單位內，同住者多在交流和接觸。
有46年炒股經驗的「舖王」鄧成波指，自從港股突破上一次高位之後，只會一路創新高，走勢都會是大漲小回，股市仍未見頂。
他個人看好港交所(00388)，因為「升市固然有得市，跌市但成交量多，佢又有佣收」。至於多隻中資銀行股，則會是收息首選。而他自言是「上一代炒股嘅人」，不會沾手科技股。
鄧成波孻仔鄧耀昇透露，旗下陞域集團以投資酒店為住，有意部署將酒店業務在2021年上市，而其餘投資物業將不會上市，會朝私募房地產基金方向發展。
