|
熱門:

2015年3月3日 即巿股評 港股直擊

【盤房來料】新能源股未炒完 聯合光伏最落後

今日個市單字一個悶,指數上下波幅百點左右,完全冇睇頭。不過上證插水近1%,港股呢邊力保不失都算係咁,又係靠騰訊(00700)頂住半邊天,地產股亦算硬淨,新辣招對佢哋毫無影響。

噚日阿Man叫大家睇住一對協鑫孖寶幸不辱命,阿仔協鑫新能源(00451)噚日下半場上車,兩成升幅食得飽;阿媽升勢較溫和,噚日入場都有一毫子進帳。今日孖寶咁厲害,除咗係本身走勢出現突破,好大原因係缸邊友憧憬兩會有利好新能源行業政策,整個新能源板塊都炒高。龍頭漢能(00566)又創新高見5元;興業太陽能(00750)調整咗咁長時間,今日一口氣衝破10日、20日同50日移動平均線,上半場高收11.24元。次一線嘅卡姆丹克(00712)連升兩日,差些少上到100日線,唔排除呢啲位開始有阻力。

聯合光伏(00686)可以話相當落後,泊到招商局呢個大碼頭,照計股價唔止咁嘅位,目前多條移動平均線開始扭埋一堆,睇嚟部署緊另一個大升浪,1元樓下上車穩陣,睇住條250日線即0.92元止蝕,上面博上1.2元都有兩成水位。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。