熱門:

2015年2月24日 即巿股評 港股直擊

【盤房來料】留意醫藥及電訊設備板塊

噚日大笨象(00005)收市後公布季度業績,表現預咗唔掂檔,即時反應就係拖低夜期,今朝淡友乘勝追擊進一步壓低指數,恒指失守24700關口。缸邊友話牛仔重貨區24500今日咁好機會無理由唔劏死牛,噚日搵隻QQ(00700)頂硬上,今日輪到中移動(00941)一夫當關。阿Man認為大戶暫時唔劏牛係因為仲有兩日期指結算,開始忙於轉倉,指數頂住24500樓上轉倉有幾出奇。

上半場成交額唔夠300億元,我埋怨日日咁搞真係大鑊,阿Man啲衫褲鞋襪咪使旨意有着落。盤房大佬叫我畀多些少耐性,等內地放完春節假,強國炒家回歸就應該會有啖好食。加上三月人大會議,市場多咗個炒作藉口,呢個時候做定功課,搵吓邊個板塊有機會落鑊。阿Man留意到醫療板塊有買盤密密吸,個人心水係四環醫藥(00460)、神威藥業(02877)同石藥集團(01093),兩股張日線圖都幾靚仔,隨時出現走勢突破。

除咗醫藥板塊,另一個可以注意板塊係通訊設備股,今年4G全面放行,京信通信(02342)、中興(00763)係中線之選。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads