熱門:

2020年6月5日 即巿股評 港股直擊

【盤房來料】淡友短期死咗條心

美股再強都要抖氣,隔晚美股個別發展,值得留意係納指盤中曾創新高,不過中段開始腳軟掉頭倒跌收場,但仍無損美股整體上升格局。家下等埋今晚個失業率及非農就業數據,只要好過預期些少,今晚美股睇嚟仲有得爆上去。至於港股噚日開始已經吽吽地,今日繼續喺24300水平拉鋸,不過講真暫時港股係跌唔落,尤其24000水平已守得幾穩,淡友短期好死咗條心。

恒指高開21點報24388點,最多升64點見過24431點半日高位後回軟,最多跌112點,見半日低位24253點,但24200似乎有支持,結果就喺24300水平爭持。最終恒指半日報收24370點,升4點;國指報收9928點,跌39點。
藍籌股中大部份都維持上升,只有騰訊(00700)因為CEO再減持而跌1.5%,失守430元,下一個支持位喺423至425元,有心買貨仲可以等等。除咗騰訊之外,蒙牛(02319)半日跌2.4%,藍籌之中跑第尾。ATM三俠今日共同進退,以為唔識回頭嘅美團(03690),今日再創165.9元上市新高後掉頭,而阿里巴巴(09988)亦要抖氣,突破210元阻力後未見再上力,ATM今日齊齊回頭。

內地航空股噚日喺美國運輸局禁止中國客機入境後唔算跌得多,中國民航局迅速回應,調整國際客運航班安排,內地航空股即顯著反彈。連帶首都機場(00694)勁升9%;中銀航空租賃(02588)急揚6.3%;中國飛機租賃(01848)升4.8%;中航信息(00696)走高2.5%。睇嚟市場相信航空業已捱過最壞時刻,有望走出谷底。

阿Man話唔日地攤概念有乜咁值得高興,皆因一個發達經濟國家,因乜解究要叫人民走去擺地攤。作偏呢個概念繼續炒作,五菱汽車(00305)連升四日,今日半場再成逾兩成。不過阿Man就寧願食花生,呢啲喪炒股來去怱怱,一個唔小心好易中招。

雖然大市暫時去到24600水平似無力再上,但喺環球各大央行放水下,市場資金極度充裕,資金無可選擇下,只有流入股票市場,可支撐股市繼續上揚。加上美匯指數高位回落,人民幣貶值壓力舒緩,有利新興市場表現。再睇埋港匯再度觸及強方兌換保證,而阿Man已多次強調香港聯繫滙率制度穩健,火星撞地球亦唔會脫鈎,暫時未見資金大量流走,反而見北水持續流入,再加上中概股排住隊嚟香港上市,預期喺國安法未有具體細節落實執行前,港股會有一段蜜月期,目前大市先喺24000至24500之間整固,後市有條件再向上挑戰24800至25200阻力。

麥狄文
(徐狄怡‧證監會持牌人)

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads