熱門:

2020年1月20日 即巿股評 港股直擊

【輪證贏家】小注恒指牛博再殺近熊

上個星期恒指雖然喺29000點附近徘徊咗好耐,但由於恒指點數始終都同熊證街貨較近;再加上熊證街貨又多,於是揀隻恒指牛(59536)出嚟。誰不知去到下半場嘅時候,恒指都係無乜大變動,所以都抱住個過weekend嘅心態,於是就準備用「收一半,揸一半」嘅方法嚟處理隻(59536)。又誰不知去到臨收市時5分鐘恒指無啦啦抽高,去到U盤更加被隊上到升170幾點收市,若然係收市前見到恒指忽然抽升,然後手快放走隻(59536),以免夜長夢多時,按臨收市前15分鐘(59536)高低位做過$0.051/$0.046計,平均價就係$0.0485,對比平均買入價$0.036/$0.037,點都有三成賺幅。

落然無走到或者走唔切都無咩事嘅,恒指今早高開112點,開市報29169點,(59536)亦都跟升;至依家10點1分,恒指雖然已經變成升轉跌,但(59536)證價做緊$0.051,比起上星期五(1月17日)收市前15分鐘走嘅仲要多兩至三格,依家走貨亦好似無咩大損失。

睇返今日恒指雖然叫做再次闖進29000點以上水平,但高開低走兼倒跌,不得不令人懷疑佢「真係夠力上?」,保歷加通道同上星期差不多,通道口未見有明顯拓闊,唯正條通道仍然向上斜;而下方SlowSTC(14,3)再次勢下上行到嚴重超買位,兼14RSI都處於超買附近徘徊。點睇,都係同上個星期一樣。

再睇埋恒指牛熊證街貨圖,熊證最貼價嗰五層好明顯見到有一定數量嘅期指張數少咗,即係話啲錢已經離開貼熊。而熊證最貼價嘅係29100至29199點,呢度有相當於450張期指,比上個星期四(16日)走咗成421張期指(今日見嗰粒數係上個星期五嘅,所以對比嘅就應該係上個星期四)。至於牛證嗰邊,28600至28699點就係新增街貨層,呢度有相當於301張期指。

依家10點18分,恒指做緊29043點,跌13點。如果數牛熊兩邊街貨嘅話,其實都差唔多,首三層最貼價牛證街貨有相當於301/676/717張期指;熊證一樣咁數,分別有450/703/699張期指,只係點數上恒指仍然都係靠近熊證街貨層。

照咁數就更係開隻恒指牛啦,但時近農曆新年,過完年假返嚟先至期結,收爐味愈嚟愈重,想追多轉嘅話,恒指牛(50075),收回價28678點,同現價有逾300點差距,同一收回價中槓桿最高,小注好啦,事關開埋牛熊證搜尋,原來今日有收回價介乎28900至28999點嘅牛證上市,換言之牛證同熊證嘅街貨將會進一步拉近,都唔排除個市就索性唔郁,等儲夠街貨再行動架。

作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

電郵:[email protected];FB:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads