熱門:

2015年3月30日 即巿股評 港股直擊

【盤房來料】內地基金圍飛市值百億以內中型股

中證監一句放寛內地基金可通過港股通直接買港股,即係唔需要具備QDII資格基金可以大搖大擺入場,呢個訊息話畀大家知,港股水頭充足,易升難跌,恒指升1.5%,高企於24800點水平之上,國指仲勁揪升逾3%,重上12300點水平。

有炒鬼問阿Man即係乜股最受惠,阿Man唔會好行貨咁答AH差價股呀,國策受惠股,「一帶一路」股呀,呢類係人都知嘅答案。相信嚟緊最受內地基金歡迎嘅股份係一啲未有喺A股上市,而又有番咁上下知名度,兼且市值唔夠100億嘅股份,必定會成為強國基金圍飛目標。擎天軟件(01297)、中國軟件(00354)、金蝶國際(00268)同高陽科技(00818)等等係IT界代表;手遊股有阿Man上周叫留意嘅鬥地主(00434)同網龍(00777);銀泰商業(01833)及百盛(03368)為零售股選擇;估計呢批股份長升長有,唔升過百億市值都仲大把水位。

至於股仔方面相對靜番啲,升幅榜冠軍係復牌股先施行(00444),公司收購海南醫療旅遊項目,對公司盈利有幾大貢獻係後話,炒鬼一於少理,炒咗先講,中午報收1.22元接近全日高位升六成。中國礦業(00340)回升近一成,阿Man講咗乜原因冇有怕,短期震盪一定有,總之緊記大股東0.21元換股,兼且仲有大龍風跟尾,依家咩位上車都有着數。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。