熱門:

2015年3月26日 即巿股評 港股直擊

【盤房來料】華彩控股收夠貨就開車!

港股無視外圍股市跌到一仆一碌,裂口低開之後迅速收復失地,唔單止回補下跌裂口,仲企穩喺24500點水平,錄得些少升幅。

浩澤淨水(02014)之前又畀沽空機構出報告唱衰搞到停牌超過一個月,公司搵齊料逐點反擊,力證公司業務冇問題,盤數亦冇煲水成份。聽聞尋晚早已做好復牌準備,同機構投資者一一解畫,所以今朝低開後,即有捧場客出力掃貨,當然護盤成功,上番3元樓上半場收市。沽空機構今次會唔會偷雞唔到阿Man不得而知,但浩澤上半場走勢,擺明係示威式上升。

阿爺收緊網上彩票買賣彩票股,華彩控股(01371)股價亦喺六粒神樓下橫行咗一段長時間,聽聞幕後指揮官有意收夠貨想開轉快車。講真華彩街貨唔少,幾十億市值亦唔係咁易踢得郁,但一炒起上嚟球來球往,勝在夠晒士炒鬼出入自如。反正現價買入再下跌風險有限,就快挑戰100日及250日線,成功上破0.67元大有條件炒番上八粒神。

阿Man推介另一大製作中國礦業(00340)派完成績表未有其他公布,唔少炒鬼失望打靶股價再作回吐,0.18元守唔住但0.17元又唔多跌得落,幕後指揮官定過抬油叫坐穩,呢個情況應該係要淘汰一班坐唔定嘅炒鬼離場。預咗炒股仔要食暈浪丸,至於要食大茶飯,當然係要耐性加膽色,自問冇呢啲條件就靠邊站。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。