熱門:

2015年3月25日 即巿股評 港股直擊

【盤房來料】炒股仔最好食定暈浪丸!

港股又再表現其個性一面,喺外圍股市普遍偏軟,內地股市結束十連升嘅情況下,港股卻自我感覺良好升近百點。期指更一度挾淡倉高見24650點,不過國企股跟隨內地股市腳軟,主要靠地產股撐起大市。

尋日熱炒嘅軟件股同手遊股個別發展,金山豹(03888)同金蝶(00268)抖起,而阿Man認為會追落後嘅鬥地主(00434)果然見買盤追捧。至於繼阿里影業(01060)另一大製作中國礦業(00340)噚日下半場企穩0.18元後又見買盤搶高,今朝再有心急炒鬼追貨,可惜未能順利一舉升破日前高位,結果食lunch前呢班心急炒鬼又打靶,兩毫樓下正好係接貨好機會。公司將今日公布業績,由於之前已發盈喜,份成績表有幾靚仔唔係重點,大製作係要睇幕後指揮官準備注入乜嘢項目,聽聞將要注入嘅項目晒士巨型數以十億計算,以中國礦業目前25億市值,至少要翻兩番先食得起巨型項目。目標價依然係坐三望四,不過股仔波動大,加上唔少炒鬼入場參與,走勢難免較波動,入場玩最好食得暈浪丸。

另外大白菜(00682)今早一度高見0.52元,中午收市報0.495元,始終未企穩五粒神樓上,阿Man建議暫時唔加注,坐穩之前儲落嘅貨,大白菜家陣得嗰16億市值唔夠,股價要倍翻冇難度。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads