|
熱門:

2015年3月24日 即巿股評

【盤房來料】金山成功「獵豹」 軟件手遊股炒起

大市受內地股市先高後低影響,恒指受拖累跌逾百點,重返24300點水平,加上下星期一期指結算,唔排除大戶壓住指數喺低位轉倉。

金山軟件(03888)派完成績表後動作多多,「獵豹」去年成功喺美國上市後,業務持續增長,再宣布同金蝶(00268)簽訂戰略合作協議,兩股股價均見逆市上升,帶動整個軟件板塊做好,中國軟件(00354)同擎天軟件(01297)分別升4%同9%。除咗軟件股,手遊股亦有買盤吸納,挨豬豬(08002)升逾7%,追落後不妨睇住鬥地主(00434)。

至於噚日叫大家先喺兩毫子水平食糊嘅中國礦業(00340)果然要調整,先睇今日守唔守得住0.18元水平,守得住再作整固組織另一升浪,守唔住可能調整幅度要深些少,反正食咗糊睇定啲先重新再車亦唔遲。總之守得住0.18元或者可以考慮上番車,守唔住0.18元可能調整要見0.16元,總之睇位再決定。噚日叫超大現代(00682)又係上到五粒神行人止步,睇款暫時走緊RANGE,0.45元至0.5元之間上落,要開快車一定要升穿五粒神企穩。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。