熱門:

2015年3月23日 即巿股評 港股直擊

【盤房來料】中國礦業食完快餐換馬超大

今朝大市走勢唔算特別精彩,承接外圍同內地股市升勢,恒指重上24500點可以話係意料之內,上半場大部份時間窄幅上落,相對內地股市升幅,港股真係要急起直追。

雖然大市冇乜好玩,但阿Man嘅fans應該唔會失望,中國礦業(00340)一開波即再被搶高,但只要肯追貨,0.18元樓下任掃。結果上半場最高見0.23元,目前仍企到兩粒神算係咁,不過阿Man建議現水平食一食糊冇壞,畢竟復牌兩日急升超過一倍,點計條數都要抖抖氣。呢邊落車套一套利,不如上番超大現代(00682)架車,上星期0.5元轉角位前行人止步,現價0.44元回落近一成,開始又見買盤積極收集。上周阿Man提過超大上升空間可以相當可觀,單係用NAV約5元折半再折半計算,大有條件回補停牌前下跌裂口1.1元,即係現價計算可以升近兩個開。再睇埋超大市值家陣15億唔夠,中國礦業計埋今日升幅都超過廿億,用秤嚟秤超大現代更加輕身,一旦指揮官收夠貨再吹雞開快車,呢次應該好快見六粒神,依家唔趁整固收集,開車時追貴貨咪怪阿Man唔提醒上車。

若嫌毫子股唔啱胃口,同場加映酷派集團(02369),股價連續第二日回升,技術指標持續轉好並發出買入訊號,MACD初現牛差,值得留意係沽家紮行馬但又冇人隊seller,擺明係壓價買貨格局,今日公布或有驚喜,不妨買番些少看門口。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads