|
熱門:

2015年3月19日 即巿股評 港股直擊

【盤房來料】大戶屠牛完畢再劏熊!

港股繼續表現其個性,連續兩日自我感覺良好猛追落後狂升。恒指噚日成功企穩於二萬四關後,今日一口氣平反20及50日線,重上24300點關成功擺脫弱勢。早兩日先話出咗死亡交叉,個市要繼續向下尋底乜乜乜,阿Man就話睇住啲牛熊證變化最實際。之前喺23300-23500點大量牛證街貨,至周一開始況有變,「熊出沒注意」熊證街貨逐步增加,此消彼長下截至噚日牛熊證街貨比例又拉番近,大戶梗係掉轉槍頭亮出屠熊刀啦!

QQ(00700)派咗成績表,成績算係咁,未來成敗要靠微信廣告,不過連年有增長,股價向住大行目標150元出發。炒鬼今日集中火力炒重磅股,內銀內險全線,指數股普遍向上。股市上升通常股仔靠邊站,「一帶一路」呢個概念隔三兩日就落鑊,中鐵(00390)、中交建(01800)、中鐵建(01186)升3%-5%不等。一對南北車亦有買盤捧場,不過阿Man自己少炒重磅股,所以大市一升通常阿Man都要瞓一陣。好彩阿Man順利換馬嘅超大現代(00682)亦跟市升,睇樣好快升穿五粒神轉角位,離0.6元首個目標不遠矣。除咗超大現代,亦有炒鬼喪炒藍鼎國際(00582),老實講藍鼎即使彈咗一成,但現價仍然殘到爆,今日第一下反彈,睇樣冇唔快玩完,只係沿途落嚟上面層層蟹貨,又未有橫行一段時間收集,未必博得到幾日爆炒一個開。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。